ՀՀ Լեռնագործների, մետալուրգների և ոսկերիչների Արհեստակցական կազմակերպությունների ճյուղային հանրապետական միությունը (ՀՀ ԼՄՈ ԱԿՃՀՄ) համախմբում է ոլորտի 70 տոկոսից ավելի ձեռնարկությունների արհմիութենական կազմակերպություններին, այսինքն՝ ներկայացնում և պաշտպանում է ոլորտի շուրջ 10000 աշխատողների շահերը:
Հայաստանի լեռնամետալուրգիական համալիրի ձեռնարկություններում արհեստակցական կազմակերպություններ հիմնվել են դեռևս 1905-1907թթ-ին, երբ Անդրկովկասյան բոլշեվիկները լայնածավալ աշխատանքներ էին վարում տարածաշրջանում` ինտերնացիոնալ արհմիությունների հիմնման ուղղությամ: Այդ ժամանակահատվածում Հայաստանում հիմնվեցին առաջին արհեստակցական կազմակերպությունները, որոնց թվում էին նաև լեռնամետալուրգիական համալիրի այդօրյա խոշոր ձեռնարկություններ, ինչպիսիք էին Ալավերդիի և Կապանի ձեռնարկությունները:
Այս և ոլորտի այլ ձեռնարկություններում ստեղծված ահրեստակցական կազմակերպություններն էլ առաջադրեցին ճյուղային կառույցում միավորման պահանջը, արդյունքում 1950-ական թվականներին հիմնադրվեց նաև ճյուղային միությունը:
Ժամանակի թելադրանքով` «Արհեստակցական միությունների մասին» Հայաստանի Հանրապետության օրենքի (ընդունված` 5 դեկտեմբերի 2000թ) պահանջով, 2002թ նոյեմբերի 2-ի ՀՀ ԼՄՈ ԱԿՃՀՄ և «Լեռմետարհմիություն» արհեստակցական կազմակերպության համատեղ համագումարում ստեղծվեց ՀՀ Լեռնագործների, մետալուրգների և ոսկերիչների արհեստակցական կազմակերպությունների ճյուղային հանրապետական միությունը, որը իր շարքերը համալրեց նաև ոսկեգործական ոլորտի ձեռնարկությունների սկզբնական արհեստակցական կազմակերպություններով:
Այսօր արդեն ՀՀ Լեռնագործների, մետալուրգների և ոսկերիչների Արհեստակցական կազմակերպությունների ճյուղային հանրապետական միությունը (ՀՀ ԼՄՈ ԱԿՃՀՄ) համախմբում է ոլորտի 70 տոկոսից ավելի ձեռնարկությունների արհմիութենական կազմակերպություններին, այսինքն՝ միավորում, ներկայացնում և պաշտպանում է ոլորտի շուրջ 10000 աշխատողների շահերը: